感謝莫探員.

  

  廿五集的棟篤神探,轉眼間就播映完畢了,心中實在是萬分的捨不得。

  我想…誰都估不到一個喜劇會竟然以悲劇作收場的,老實說,最初我都接受不到這樣殘忍的結局的…但慢慢,我接受了。如果莫探員沒有死,我們的確會看得很快樂的,但可能不久就會忘記他了,但正正就是他的離開,令我們心中都捨不得這個角色,為一個令我們對他都有感情的角色的一個悲劇下場而婉惜…我在想…這樣不是更好嗎?莫探員成了香港的一個經典了!莫探員其實沒有離開我們呢∼他一直都會在我們的心深處…當我們取笑別人低b時,我們還是會不期然想起「若要人不知,唔好太低B」,看?他沒有離開我們呢∼ J

 

  說說整個劇,我不敢說劇本由頭到尾都是好的,我個人認為是漸入佳境,笑料、案情都是越後越精彩的…不過整體來說,這確是一套出色的電視劇。

  首先,看得出黃子華為這劇下過不少心機,你數得出多少莫探員金句?「若要人不知,唔好太低B」、「唔使騰,No Problem」、「名劍風流,大劍下流」、「一個完美既淫婦必須唔似一個淫婦」、「花仔黃小華」、「我係一隻冇雀…一隻冇腳既雀仔」、「凶險界女長人」…數之不盡!再想想莫探員的造型?你一定忘不了他那件乾濕褸!子華設計這個型象是想表達莫探員是個專心查案而不會理會形象的人!再想想大結局那集,作棟和大劍討論病情,當棟知道自己除時會死,子華將將這個角色複雜的心情演繹得淋漓盡致,要壓抑自己的悲哀,同時要為自己的朋友、愛人著想而不將事實公開,一切都由自己一個人承受,同時懷著信心希望戰勝病魔…再想想莫探員影結婚相那天,他終於捉到人生第一個自己親手追到的賊人,最後含笑而終…你記得嘛?那天,你我都為這幾幕而動容,為莫探員流淚了。我相信,如果演員演得不好,是絕不能牽動我們的情緒的…

 

  第二,我很欣賞這個劇的演員們。喜劇最重要的是甚麼?要放!演員不夠放是不能令我們發笑的,這一點,所有演員都做得很好!最重要的,好像一些電台節目所說,演員們都肯給對方發揮的機會,我們不只記得莫探員,還記得精靈活潑的女長人、戇直的詹霑、奸狡的蘿蔔歐、婦科骨科腦科都識醫的神醫余大劍、差不多頭二十集都不見樣的作棟呀娘、講過「動人的殺機」和「芝宜蛋漢堡的血淚」很可愛的史高拔……誰都搶不了誰的鏡

 

  我知道現在仍然有很多人都不喜歡悲劇結果,但我們可不去回味棟劇曾經帶給我們廿四集廿四小時的快樂呢?為何我們又不接受監製的意思,想我們領略人生無常、珍惜眼前人的意思呢?

 

  感謝莫探員,你陪伴我渡過了一個快樂的暑假∼

 

p.s.

下面一段是從我的日記中引出來的

因為都是關於莫探員…

希望大家看過後,會令你回憶起許多快樂的片段∼ J

 

****************************

 

同上次男親、甚至係冇炭用等等作品一樣
睇完,一樣想感謝dayo
多謝佢俾左24集既快樂我地
我好記得唔使騰,no problem
記得係我衰又唔夠衰
記得若要人不知,唔好太低b
記得佢將薰衣草講成夏枯草
記得佢成日俾vivi打、俾vivi
記得佢食野永遠唔俾錢
記得佢扮過人妖 -- coniCHIWAH
記得佢鍾意跳襲警舞
記得佢連呀婆都跑唔贏
記得佢鍾意叫jam jam 而唔係詹霑
記得佢叫vivi做女長人
記得vivi第一次入監房,佢好細心咁偷左索瑪莉個maskvivi (細心地偷jhaha)
記得佢好易哮喘
記得佢把口好衰
記得佢好正義咁話如果要揹鑊就佢揹
記得佢係呀娘個肚入面十二個月,出世先得三磅幾
記得莫展
記得佢差d俾把羅莽把飛刀劈到
記得佢用辣醬代替胡椒粉去制服人
記得佢可以一啖食晒條腸仔
記得佢成日食優之良品
記得佢成日飲Gatorade , pepsi twist
記得佢成日袋住一堆c&s 紙巾
記得佢叫雪妮做呀娘
記得佢成日睇粵語殘片
記得佢話自己係一隻冇雀冇腳既雀仔
記得佢話過盤showhand要玩落去,佢相信自己可以一直贏落去
記得佢件乾濕褸
記得莫探員莫作棟.

 

我好想講
dayo
演戲真係好好
同余大劍果場講show hand
希望呢part都會令到更多觀眾知道dayo都係實力派
唔係淨係一味笑.

dayo! u did a gd air!!!!!!!!!!!!!!

期待下一部作品!

*********************************************************************
其實我真係鍾意莫探員多過ah lok
莫探員好善良
把口係衰d,但其實無傷大雅
令其他人都好開心
雖然體能差
但頭腦好,機智冷靜
可以冷靜觀察、分析誰是兇手
ah lok
都係好笑,都係開心,都係賤賤地
但唔夠莫探員真實
莫探員個感覺係好有血有肉
好細心,會識care其他人
寧願自己一個承受所有野
想其他人都快快樂樂

我覺得
一個咁可愛既角色
係應該有一個美麗既結局.

我未試過睇一個戲會投入到咁 -_-
我覺得呢25
好似識多左個朋友 --莫探員
好親切

可能就係因為咁
我會咁唔開心............. :(

*********************************************************************
認真.

發覺大家睇棟篤神探都睇得好認真
我覺得我地呢d fans睇得認真係好正常
但依家係全hk既人都睇得好認真
mini
上面真係有好多人討論劇情
究竟今日莫探員有咩搞笑金句?
莫探員用咩牌子既手機、飲咩、食咩?
莫探員點解成日著乾濕褸?
佢幾時同蔡蔡芬有感情線?
誰是兇手?
甚至有人觀察入微到搵個劇有咩漏洞

最近
大家都好熱烈咁討論結局
個個都為左個sad ending而激動

其實棟篤既ending點解會震憾成咁?
因為個劇帶左好多歡樂俾我地
我地唔願意突然間睇到一個悲傷既結局?
因為我地冇預計過會係一個sad ending
因為我地都希望係劇入面搵到一個快樂既世界?
因為dayo演得實在係有血有肉
我地對個角色感情好深?

我覺得
可能令到所有觀眾可以如此認真地對待一個喜劇 (悲劇?)
棟篤神探真係好成功.
子華既演技、度口頭禪、設計莫探員既形象真係好成功.

**************************************************************
棟篤神探
絕對係一個令我地都刻骨銘心既一個劇.
一套好出色既電視劇.

 

 

 

à返回主頁