2003楝篤笑à冇炭用

(29/3/2003)

2003327日,我終於都去左睇子華既「冇炭用」楝篤笑,對我黎講好大意義架!係我第一次去現場睇,好開心~現場睇既感覺真係好唔同,氣氛真係好好,全場2000人一齊笑喎~好過癮~

show比我預計好笑左,因為之前果d show我都會有d地方唔識笑(係我當時仲細個,未有留意時事掛?)總之呢次,我係成場未停過咁笑囉~

我覺得今次楝篤笑比較時事d啦,冇乜dayo自己既野,即係以前「娛樂圈血肉史」 、「拾下拾下」都會講d子華自己既野,今次最主要講社會,所以我覺得如果將呢個show同大獲好評既「拾下拾下」黎比就唔太恰當lu

我自己就好鍾意呢個show,好似dj杜文澤咁講,睇黃子華既楝篤笑,最享受既係佢會一路帶你遊花園,天南地北係咁笑,好輕鬆,但完場後,你係會不其然對子華講既野反覆思考。冇錯呀,我最欣賞子華楝篤笑,就係佢唔係齋講笑,入面係會有一d哲理架!特別係今次呢個show。當中有好多主題,好似有自殺、減肥、傳媒等,講董健華同埋謝霆鋒就最好,我地係咪對董健華太多遷怒?點解我地要唔放過謝霆鋒,又唔去諗下輕判個警察?點解係要人人都唔開心,而唔去選擇皆大歡喜呢?

其實我真係好想講多d內容,但係我覺得,如果我係度講哂,對其他可能未睇過既人好唔公平,亦對子華唔公平,所以希望各位原諒我講得唔多,有機會既睇vcd~hehe~

我睇果場楝篤笑,正值香港爆發非典型肺炎,全場過半數人戴住口罩黎睇show,而子華,佢只係出場既時候戴左一陣,然後就除低口罩講足2個鐘。佢話「收得你地錢,我就要搵命博!」果刻我心情好複雜,一方面好佩服子華咁專業,講真,其實佢戴住個口罩問觀眾「我戴住口罩大家聽得清唔清?」觀眾係話清楚,即係大家都唔介意佢戴口罩,大家都明白個環境好危險!但子華竟然會除但個口罩!佢派口罩俾觀眾但係自己又唔戴!仲要唔係迫人地戴喎!你唔戴佢唔會話你…點可以唔佩服佢既專業精神?而另一方面,我係好擔心子華囉,全場都係向住佢笑,冇戴口罩果d如果咁岩有事,你話dayo幾咁危險先?!

完場前,dayo同全場講「有冇醫護人員今晚黎左?請全場觀眾為呢班醫護人員拍手!」果刻我好感動!當然,全場都報以熱烈既掌聲啦!

有人話覺得dayo今次個show冇左以前果種火,我覺得呢個show真係唔可以同以前比,今次俾我既感覺,係dayo希望大家唔好對事睇得太執著,唔係下下都怨天怨地,最主要都係想令充滿怨氣既香港人開心返d,冇咁火都係岩既。

總括黎講,我係好鍾意呢個楝篤笑,我唔知道大家睇完會有咩體會,但我自己睇完就真係開心左,我真係會學下從另一角度去睇同一件事。

睇子華既楝篤笑,並唔係只為笑,而係去領會笑中既道理,未必所有野都係岩,但嘗試去領會一下,真係好過癮~

 

P.S. 如果各位下一次去睇show,奉勸各位睇之前唔好睇有關個show既報導,我冇睇就覺得個show好正,但係我一d之前睇完報導後去睇show既朋友就覺得冇乜驚喜,所以呢,大家睇之前咪忍下囉~