~開學啦~

    漫長暑假終於都完結啦,我呢個無用既老闆娘都要重回校園繼續我中六既學校生活啦。

    實情由我五月中考完會考之後到依家,我都放左成三個幾四個月大假,好慚愧地我係冇乜點好好咁利用呢個假期充實自己囉…回顧呢幾個月,最叻就係以我一個電腦白痴既人竟然做到一個子華網頁,做得好唔好對我黎講係其次,果種成功感對我黎講真係好好,好滿足。另外呢,我係八月既時候都幫我朋友既補習社打過工,雖然時間唔長,但其實我都學到好多野,例如控制時間、組織呀咁啦,在此我要多謝joe同埋雲妮俾機會我一齊返工~呵呵~

    係呢個暑假入面,睇見有d子華fans為左中五而擔憂,再諗下自己當年(其實只係上年…)吊兒郎當,真係好慚愧,仲記得有日子華有function,係沙田一觸即發筆試,第二日仲要maths會考,自己都傻頭傻腦中左出去,真係好曳…哈哈,好彩會考成績都見得下人,人地話我捱過左呢一關,我又覺得唔應該用捱呢個字啦,總之就係經過左一個人生必經既小小考驗囉,都係一個幾過癮既回憶黎既。

    升上中六,我就唔可以好似以前咁一日到黑淨係玩,更加唔應該日日諗住追星咁啦,我會做返個乖學生,所以大家可能會少左見到我上網icq,呢個網亦多數只會係星期五六日先會up下,不過我會keep住日日寫日記既(如果時間許可既話),希望大家多多支持,唔好違忘左我啦!

新學期開始,無論大家係學生、返工咩都好啦,總之大家都要努力~下年三月大家就可以一齊開開心心去睇子華既楝篤笑啦~~~

 

 

 

 

à返回老闆的話主頁