吳君如棄靚女扮狗舐子華

問:點解今次有靚女唔做扮狗?

君如:本來人地叫我配個靚女,但係呢套戲隻狗先係主角,咪主動同佢地講話配隻狗囉,況且隻狗唔係好多對白,只係成日舐主人,好多「si si sir sir」聲,我係屋企已經太多野講,吱吱喳喳,都係配隻狗舒服D

問:其實你配音經驗咁豐富,又配過猩猩,配狗仲有冇難度?

君如:都有架!始終都唔係配一個真實既人,我都要請教下一D養狗既朋友,去揣摩狗既動靜,其實都幾難,更何況我本身都唔係好鍾意狗。

問:你地兩個都咁搞笑,怕唔怕配音時互相笑到收唔到掣?

君如:唔會既!我地好專業…其實平時我地好嚴肅架!

子華:平時做野我地好認真,唔係訪問我地唔講笑架。

問:俊狗係戲入面成日舐主人,配音時如果幻想舐子華,你會點呢?

君如:冇問題呀,佢咁靚仔,加上依家又瘦哂,求之不得啦!

子華:被君如舐都冇所謂,仲完全歡迎添!不過我相信舐完之後會有好嚴重既後果。

君如:其實子華寅係好似戲中既男主角,無論髮型、樣貌、動靜都好似,連講野既認真態度都係一模一樣。

子華:我都唔知自己係乜野人,所以我都唔知似唔似。低係套戲最吸引既地方係好多位都會令人唔知個角色係真人定卡通,好似一幕講隻狗食熱狗,當佢將隻熱狗食左入口,我睇睇下都俾隻狗呃左,以為佢真係狗,咁都做到真係好犀利。

問:你地會唔會合作做D搞笑騷?

君如:我好想同子華合作……

子華:唔係,係我想同佢合作至真,我已經有D好實在既計劃,準備明年三月做完《楝篤笑》就會搵佢。

問:你地咁樣互相吹捧對方係咪對對方既搞笑才能好有信心?

君如:我對佢好有信心,我由細睇到佢大……哈哈,我好鍾意佢,由第一次《楝篤笑》開始,場場都捧佢場,佢既搞笑才華真係不用置疑。

子華:我就唔係對君如搞笑好有信心,係對佢D好有深度既野信心。

問:咁即係互相欣賞?

君如:唔係呀!係我欣賞佢咋!

子華:我唔係欣賞佢搞笑,但我欣賞佢既號召力。

 

後記:雖然佢地話自己做野閎好正經,但係睇佢地做訪問時(包括同所有傳媒)都冇黎正經,就知道記者手足俾佢地笑死之餘,仲會俾佢地激死。

 

 

 à返回子華訪問主頁