冰室早餐~子華電視

 

冰室早餐推介係子華既電視作品。

子華至今只拍過三套電視劇,當中兩套無線劇集(狀王宋世傑2、男親女愛)都係收視爆燈既作品,大受歡迎!而另外一部係子華內地既電視劇(非常公民),此劇集已於內地播放,而香港則仍未播映。另外,子華亦為TVB主持遊戲節目(一觸即發)

 

 

 

早餐A ~ 狀王宋世傑2

子華1999年第一部既電視作品,飾演卑鄙小人賴三,子華係呢套劇表現非常出色,將角色既奸險卑鄙演繹得淋漓盡致,絕對係奸角中既經典!記得老板娘當年對呢套劇又愛又恨,愛係因為子華真係做得好好呀!我個人認為如果換左第二個人黎做一定唔好睇!恨就係因為子華既角色實在係太衰啦!睇到我想打爆部電視機…

 

 

 

 

 

 

 

早餐B ~ 男親女愛

子華2000年第二部電視劇,飾演主角余樂天(Lok),子華就係憑呢套一百集千禧處境喜劇而大受歡迎!子華飾演既呀Lok夠哂市井feel,搞笑抵死,人品仲唔錯添架~子華好努力研究角色架,如果有欣賞過子華既楝篤笑,就會發現其實好多對白都經過子華修改架,好鬼好笑~難怪此劇播出時刮起一陣呀Lok熱潮啦~呢套劇為人熟悉既人物仲有Miss Mo (鄭裕玲飾)及呀Lok好兄弟小強~!老板娘最深刻果幕係子華以為小強死左而喊,我個人認為要一個好驚小強既人去為左隻小強而喊係一件好難既事囉…不過我睇親果場戲都會笑爆肚~ 另外仲有一場戲係苑瓊丹發夢,子華變左個女人,佢個look都幾靚女架~哈哈哈~起碼靚過依家d港姐!>>進入TVB男親女愛網頁

 TVB已於七月十五日推出《男親女愛》VCD ~ 有關詳情請按此

 

 

早餐C ~ 非常公民 (內地電視劇)

子華2001年首次演出內地電視劇,飾演中國最後一個皇帝溥儀。子華為左呢個角色勁減肥,更要遠赴長春等地拍攝,果度好凍架!子華當時仲要節食keep “thin”,真係好professional架!呢套劇於香港尚未播出,但據好多內地網頁報導,各大電視台均對此劇評價極高,實在係令人期待!此劇原名為【溥儀和他的五個女人】,圖書館有同名書籍,若各位想知道此劇大慨內容可圖書館借閱,老板娘亦曾看過此書,非常精彩!值得一看架!此劇已於內地各電視台陸續播映,另外,內地亦已有此劇的VCDDVD出售。

 

 

 

 

 

早餐D ~ 一觸即發

子華2002年首次主持遊戲節目,盡顯其風趣本色,觀眾更可一睹子華既急才添!金句有【你可能勁過李小龍,但係你未必贏我個窿】【夠膽你就黎】等等,一觸即發,為你減壓~

>> 進入TVB一觸即發網頁

 

>>【一觸即發】入場飛 (727) 正面背面

 

 

 

 

 

早餐E ~ 棟篤神探 (2004719日首播)

子華闊別香港電視劇界四年,終於重出江湖~!!!!子華在此劇中飾演頭腦、口才一流、但體質奇差既莫探員莫作棟,女主角ada蔡少芬曾與子華合作《人間色相》等電影,再度合作必定能夠擦出火花~

請緊記莫探員既忠告:「若要人不知,唔好太低B!」

只要有莫探員係度就「唔使騰,no problem~!!!


>> 進入TVB棟篤神探官方網頁

 

>>子華主演電視劇《棟篤神探》

VCD (第一輯第二輯)DVD 將於9月14日上市!!!

 

 

 

 

早餐F ~ 棟篤神探 (前名:新九品芝麻官內地電視劇)(227日於tvb首播)

 

子華飾演:宋世傑

 

一腔熱血,舌戰公堂,古裝爆笑喜劇。

 

  清朝年間,貪官為患、民不聊生。廣東鳳來“青天大茶樓”的少東主陸小鳳渴望成為一代清官“包青天”,其父散盡錢財捐得一九品芝麻官,小鳳走馬上任,招攬展隨風做護衛、公孫安份做師爺、改邪歸正的綠林好漢充當護法,儼如“開封府”再世,將洗冤矛頭直指律法混亂的梅龍縣,與宋世傑為首的四大狀師鬥智鬥嘴又鬥勇,更為爭取他們的協助定下查明“十大冤案”的賭約。小鳳費盡心思,成功偵破了一個個犯罪詭計,但在追查一宗滅門慘案中,卻得知隨風竟身負滅門之仇,而且此案更牽連到父親及更隱秘的幕後黑手……

 

>>進入《棟篤神探》TVB 官方網頁

新九品芝麻官 DVD 現已有售!

 

 

 

早餐G ~ 大冒險家 (前名:大亨內地電視劇)(127日於ATV首播)

 

子華飾演:白活

 

兩個一無所有的小子,一個敢於夢想,一個天才橫溢,在遍地黃金、處處商機的香港,由零開始,憑著膽色及冒險精神,經歷香港七十年代至九十年代歷史性變遷,創造一個一百億的神話!吳鎮宇、黃子華一場重量級演技對決;聯同陳慧珊、曾江、張庭、李強、鮑起靜、陳寶轅等,兩岸三地巨星,跨越地域的拍攝,耗資千萬製作,傾力打造一個劃時代經典。大冒險家,推動時代的巨輪,展現中國新希望!

 

>> 進入《大冒險家》ATV官方網頁

 

 

 

 

 

 

 

 

早餐H ~ 迷離案中案 (前名:情愛保險內地電視劇)
配音VCD DVD  網上現已有售

 

 

早餐I ~ 《奸人堅》(無線2007年台慶劇) (07108日首播) (09129日重播)

 

子華飾演:奸人堅

仍然念念不忘奸詐的賴三嗎?這次子華帶給大家一個全新的奸人角色:奸人堅!

顛覆傳統電視劇,劇中以奸角為主線角色,透過子華出色的演技,讓我們窺看廣州第一奸人的心路,亦讓我們重新為正邪定分界!

 

>>進入《奸人堅》主頁

 

 

早餐J ~ 《絕代商驕》(原名:企業醫生) (首播:09810日起逢星期一至五晚上8:30翡翠台及高清翡翠台播映,95日大結局)

 

 

甚麼是合理化煙幕?鯰魚效應是甚麼?長尾理論、葡萄藤行銷法……

子華今次化身白武士,戲笑之間把深奧悶人的經濟、人力管理理論深入淺出地詮釋出來。

麥提爽不愛打工,但深明絕代營商之道,能拯瀕危的公司;

然而,他又如何拯救心深處的自己?

如何從背叛師傅的內疚中得到解脫?

如何從被母親遺棄的陰霾中重見光明?

如何解除對人際關係的不安感?

引起全城熱話的【絕代商驕】

 

老闆娘製作了數個gifjust for fun, haha~~~

如果有其他情節想造成gif,歡迎留言告之~ ^_^